Boejank Djawa: Wayahe Sinau Pariwara Basa Jawa

Wayahe Sinau Pariwara Basa Jawa

Kula nuwun sedulur-sedulur sedaya. Pripun kabare? Sae ta? Alhamdulillah. Menawi mekaten sedulur-sedulur tamtu tasih semangat anggone ngangsu kawruh basa lan sastra jawa. Joss Gandos!! Nah ing artikel menika kula lan panjenengan badhe nyinauni Pariwara Basa Jawa.

Apa kang kasebut pariwara iku?

Pariwara utawa ingkang biasa kasebut iklan yaiku sawijining pesen babagan barang/jasa (produk) kang digawe dening prodesen kang diandharake lumantar media (cetak, audio, elektronik) utawa papan panggonan umum kang ditujokake marang bebrayan agung kanggo wujud sesambungan kang duwe ancas kanggo narik kawigaten wong kanggo tetuku, nawakake barang utawa jasa, kanggo narik kawigaten wong akeh, sarta narik panyengkuyungan wong akeh amrih pikir lan tumindake laras karo kekarepane sing masang iklan. Iklan duweni rong makna, yaiku makna eksplisit lan makna implisit.

Banjur, pripun struktur ingkang sajroning pariwara utawa iklan menika?

Struktur pariwara iku ana 3, yaiku :

a. Judul : Biasane ana ing nduwur dhewe, ananging ana uga iklan kang judule ning bagian liya

b. Jeneng Produk/Barang/Jasa : Isine jeneng produk/barang/jawa kang ditawakake marang konsumen

c. Ketrangan Produk : Bagian iki jelasake ketrangan produk kang didol utawa ditawakake marang konsumen.

Menawa arep gawe pariwara/iklan iku, apa wae ta kang kudu digatekake, jank?

Lha..menawa arep gawe pariwara iku ana perkara kang kudu digatekake dadi ora sakkepenake dhewe anggon gawe ya. Ingkang kudu digatekake yaiku :

a. Ukarane cekak lan aos (singkat jelas)

b. Basa kang digunakake isa dingerteni utawa ora mbingungake (komunikatif)

d. Tulisan lan gambare narik kawigaten

Mas boejank, anane pariwara iki sakjane apa mupangate ta?

Dakkandani ya, pariwara iku duweni mupangat akeh lhoo...apa wae?mupangate pariwara yaiku :a. Ningkatake pemasaran kanggo nawakake barang dagangane

b.Kanggo sambung rasa tumrap produsen lan konsumen.

c. Kanggo sarana sesambungan ing urip saben dinane

d. Sarana kanggo konsumen anggone milih barang, konsumen milih barang kang luwih apik lan regane luwih murah kanthi medhia iklan.

Lha nek jinise pariwara iku apa wae?

Jinis-jinis iklan adhedhasar media kang digunakake yaiku ana iklan tulis lan iklan lesan. Iklan tulis biasane ana ing koran utawa majalah, iklan lesan biasane ana ing radio utawa tv. Nanging uga ana jinising iklan miturut ancase, yaiku iklan produk lan iklan layanan masyarakat. Iklan produk iku iklan kang ancase kanggo mayokake salahsawijining produk barang/jasa. Iklan layanan masyarakat iku iklan kang ancase kanggo ngewenehi info marang masyarakat lan ngajab supaya gatekake lan nerapake pesen kang sajroning iklan mau.